"Afranio" é unha adaptación para a pantalla da autobiografía de Antón Alonso Ríos "O siñor Afranio, ou como me rispei das gadoupas da morte". Un filme transfronteirizo queseguira o periplo da fuxida deste político galego.

O documental conta o periplo do deputado Alonso Ríos pola ribeira pontevedresa do Miño nos días inmediatamente posteriores ao golpe de estado do 36, os seus inútiles intentos de organizar a resistencia, e a fuxida ao monte cando é avisado de que andan na súa procura para executalo. Posteriormente consegue cruzar a Portugal e fuxir á Arxentina.

Na construción da peza documental utilizanse ficións e recreacións dos feitos do libro, nas que o actor Luis Tosar interpreta o papel do "siñor Afranio".