Enténdese como “cinema de correspondencia” o conxunto de filmes producidos polas sociedades da emigración que comunicaban os galegos de aquí e de acolá a traveso da pantalla cinematográfica dende 1920 ata os anos 60. “Cienfuegos 1913” é a primeira revisión contemporánea dese peculiar e fecundo xénero, unha das poucas aportacións do cinema galego á historia do cine. Nise senso é unha magnífica e fermosa peza de referencia porque actualiza os seus códigos e afonda no valor emocional, documental e histórico das relacións entre Galicia e Cuba a partires da propia experiencia persoal da autora.