Entorrados é unha comedia absurda para personaxes excéntricos.

Un día calquera, un domingo quizais, mellor despois do xantar, ou de botar unha soneca... pos o teu traxe de romano, ou a túa perruca de sueco, o teu disfrace de corvo, a túa gabardina con parches, ou esa dentadura que che desfigura o rostro... e vas ti, e baixas á rúa, e sen preguntarte o porqué, camiñas e converxes... déixaste levar por inercia... paseas e chegas... chegas á torre, por que non...alí vai toda clase de xente... alí podes atopar, un día calquera, quizás un domingo deses de sesta, o do disfrace de lagarto, o dos anteollos saltóns, o gánster fumeante, o que fala para dentro... o que se pareza máis a ti.