Dous actores sobre un escenario baleiro construíndo uns personaxes. Un cazador e unha campesiña que se atopan nun prado co peso dunha relación pasada nas súas costas. A construción da emoción, a elaboración dunha ficción: da palabra á imaxe.

Adaptación libre dun relato de A. Chejov, O cazador é unha curtametraxe que se desenvolve en tres partes ben diferenciadas. En cada unha delas asisitiremos a unha das fases da creación do propio proxecto, partindo da lectura do texto que o inspira ata alcanzar o resultado da ficción final, evidenciando no camiño as pegadas do proceso creativo.