Esta curta foi a gañadora do Festival de Cans no ano 2007, ao que se sumou un exitoso periplo festivaleiro. Sen chumbo pretende ser un prisma. Un cristal a través no cal se contemplan as diferentes facetas da psicoloxía humana. A través dunha situación de angustia pódense ver as distintas reaccións que provoca nun determinado número de personaxes que proveñen de distintos estratos sociais. Do que se quere falar é dos instantes que preceden a toma de decisións que nos afectan en cada momento das nosas vidas e de cómo esas decisións poden provocar, ou non, un cambio en nosoutros.