Flocos.tv - Ciclos

Memoria do século XX

Wed, 17 Mar 2010 21:51:07 +0100

O proxecto Memoria do século XX naceu no 2008 co obxectivo de salvagardar parte do patrimonio audiovisual galego en formatos domésticos que ficaba indolente en caixóns, faiados ou armarios. Bobinas familiares cheas de imaxes de grande valor etnográfico realizadas por cineastas afeccionados compoñen máis de 200 horas recuperadas e dixitalizadas pola Axencia Audiovisual Galega en colaboración con IB Cinema.

Ficción EIS

Wed, 17 Mar 2010 21:51:07 +0100

Nova escolma de obras producidas na Escola de Imaxe e Son da Coruña (EIS) nos anos 90, esta vez curtametraxes de ficción que foron auténticos exercicios sobre cómo contar historias, botando man da literatura e dos escritores como personaxes.

Literatura galega no cinema

Wed, 17 Mar 2010 21:51:07 +0100

Con motivo do 17 de maio publicamos unha antoloxía de películas baseadas en relatos da nosa literatura, da que xa puidemos ver mostras nos ciclos anteriores A lingua animada e Especial anos 70. Desta volta recompilamos curtas baseadas en textos de Ánxel Fole, Méndez Ferrín, Manuel Rivas, Rafael Dieste e Luís Pimentel.

Antoloxía Facultade de Belas Artes

Wed, 17 Mar 2010 21:51:07 +0100

Presentamos unha antoloxía de videocreacións realizadas entre o 2007 e o 2008 polos alumnos da Facultade de Belas Artes de Pontevedra (Universidade de Vigo). Estes traballos destacan pola súa plasticidade, lirismo e vontade experimental.

Visualización arquitectónica

Wed, 17 Mar 2010 21:51:07 +0100

As técnicas máis avanzadas de grafismo, animación 3-D e realidade virtual son aplicadas á construción, á arqueoloxía, á arquitectura civil e á visualización de territorios. Empresas como Tresdeseos ou os laboratorios das Universidades da Coruña e de Santiago levan anos traballando nestas disciplinas, das cales ofrecemos unha mostra.

Esferobite

Wed, 17 Mar 2010 21:51:07 +0100

Esferobite está especializada na produción audiovisual e multimedia dende finais dos 90. Os seus integrantes son Juan Lesta e Belén Montero, cunha gran traxectoria no ámbito artístico e obra presente en moitos festivais e museos. Velaquí unha ampla escolma de vídeos feitos por dous dos creadores máis innovadores do noso audiovisual.

Tramas da rede multimedia

Wed, 17 Mar 2010 21:51:07 +0100

Presentamos un novo ciclo composto por filmes realizados nos 90 pola Escola de Imaxe e Son de Coruña. Trátase dos títulos que compuñan o programa Tramas da rede multimedia e 24 en 25, onde os medios de comunicación (TV, cine, radio, internet...) funcionaban como eixos do relato.

Antoloxía EIS Vigo

Wed, 17 Mar 2010 21:51:07 +0100

A Escola de Imaxe e Son de Vigo (EISV) naceu a finais dos noventa impulsada polo grupo Marcote. Imparte os ciclos superiores de produción, realización, imaxe e son, e conta unha productora, “Producciones Vigo S.L." que canaliza algún proxectos dos alumnos. Presentamos unha antoloxía de pezas representativas da súa ampla e variada produción.

Deza, cine popular galego

Wed, 17 Mar 2010 21:51:07 +0100

Este grupo cinematográfico naceu en 1976 da man de Daniel González Alén. O seu obxectivo era facer un cine comarcal para a bisbarra do Deza. Cunha ducia de películas producidas, conseguiron algúns premios no Festival de Cine Afeccionado de Vilagarcía, e realizaron un importante labor de difusión proxectando as súas películas en máis de trescentas vilas e lugares de Galicia.

EISperimenta

Wed, 17 Mar 2010 21:51:07 +0100

Un conxunto de pezas realizadas nos 90 por alumnos da Escola de Imaxe e Son da Coruña, que teñen en común a libertade creativa e a experimentación e que foron moi novidosas con respecto ao que estaba a facer na década nos 90 no mundo. Estes filmes acreditan a calidade e o talento dos creadores galegos que estaban a abrir novos vieiros para o noso audiovisual.